My heid did yak yester nicht,
This day to mak that I na micht.
So sair the magryme dois me menyie,
Perseing my brow as ony ganyie,
That scant I luik may on the licht.
And now, schir, laitlie, eftir mes,
To dyt thocht I begowthe to dres,
The sentence lay full evill til find,
Unsleipit in my heid behind,
Dullit in dulness and distres.
Full oft at morrow I upryse
Quhen that my curage sleipeing lyis.
For mirth, for menstrallie and play,
For din nor danceing nor deray,
It will not walkin me no wise.
William Dunbar (c. 1460-1520), “On his heid-acke”
- No. 43 in William Dunbar: The Complete Works ed. John Conlee (Kalamazoo, MI: Medieval Institute Publications, 2004); “Introduction” retrieved c/o TEAMS.
- “On his heid-acke” @ The Digital Index of Middle English Verse
- William Dunbar @ Catalogue of English Literary Manuscripts 1450-1700
And for those in need of further comic relief and other therapeutic treatments …
EPILOGUE / ENVOI / EXPLICIT